നുണ പ്രചരണം : വിത്ത് ഗുണം പത്ത് ഗുണം!

വിജിലന്‍സ് കോടതിയുടെ ഉത്തരവ് കൃത്രിമമായി ഫോര്‍ജ് ചെയ്തതാണെന്നായിരുന്നു അത്രേ പ്രചാരണം. ഹോസ്റ്റലിലും മറ്റും കയറി നിരന്തരമായ 'ഗീബല്‍സ് സ്ക്വാഡ്' പ്രവര്‍ത്തനം. ഇതൊക്കെ വിശ്വസിച്ച ചില സരള ഹൃദയര്‍ക്ക് കഴിഞ്ഞ ദിവസത്തെ പൂരം കണ്ടപ്പോഴാണ് ചില സംശയങ്ങള്‍ ഉദിച്ചത്. കസിന്‍സും മറ്റുമൊക്കെ വിശേഷം അന്വേഷിക്കാന്‍ വന്നത് ഭീകരരും വൃത്തികെട്ടവരും അധാര്‍മ്മികരുമായ ആളുകള്‍ വിജിലന്‍സ് ആണെന്നൊക്കെ പറഞ്ഞ് പറ്റിക്കുകയാണെന്ന് ഒരെറക്കെറക്കി നോക്കാശാനേ!

 തെറ്റു കണ്ടാല്‍ ചൂണ്ടി കാണിക്കും (പലതും കാണാത്തത് കണ്ണിന്റെ പിശകാണ്!)- അത് പിടിക്കാത്ത ചിലവന്മാരാണ് ഈ നന്മയുടെ മൂര്‍ത്തിക്ക് നേരെ കല്ലെറിയുന്നത്. പിന്നെ ഏത് മൂത്ത കൊള്ളക്കാരനും പറയുന്ന ഡയലോഗ് "ശരിയെന്ന് തോന്നുന്നത് മാത്രമേ ചെയ്തിട്ടുള്ളൂ" (ഇല്ലാത്തവന്‍ ഉള്ളവന്റെ പിടിച്ച് പറിക്കുന്നത് എനിക്ക് ശരിയാണ്). തെറ്റെന്ന് തോന്നിയിട്ടും -അറിഞ്ഞിട്ടും- ചെയ്യുന്നവരായി ഇത് പൊതുവേദിയില്‍ പറഞ്ഞയാളും സഹഅധര്‍മ്മിണിയും അല്ലാതെ ആരെങ്കിലും ഉണ്ടാവുമോ?
വിജിലന്‍സ് കോടതിയുടെ ഉത്തരവ് കൃത്രിമമായി ഫോര്‍ജ് ചെയ്തതാണെങ്കില്‍ പിന്നെന്തേ പരാതിപ്പെട്ടു കൂടായിരുന്നോ? സ്വന്തം ബുദ്ധിയാണെങ്കില്‍ ഭാവിയുണ്ട്, മോനേ. ദീപത്തില്‍ നിന്ന് കൊളുത്തിയ പന്തം പോലെ ശോഭിക്കും. മുതിര്‍ന്ന ആളിന് ഇല്ലാത്ത നാണം അല്പം ഉള്ളത് കൊണ്ട് പാവം അങ്ങിനെ വിശ്വസിച്ച് ആശ്വസിച്ചതുമാകാം! കഴിഞ്ഞ കുറച്ച് നാളുകളായി (അതോ വളരെ നാളായോ!) കണ്‍‌മുമ്പില്‍ നടക്കുന്ന പ്രവര്‍ത്തിയായിരിക്കും മറ്റുള്ളവരും ചെയ്തിരിക്കുന്നത് എന്ന് ധരിച്ച് പോയതും ആവാം! പ്രസംഗിക്കുന്നതും ഭാവിക്കുന്നതും ഒന്നും പ്രവര്‍ത്തി നേര്‍ വിപരീതവും എന്നുള്ളതാണല്ലോ കാണിച്ചിരിക്കുന്ന മാതൃക! എന്തായാലും "വിത്ത് ഗുണം പത്ത് ഗുണം!" എന്ന് വിശ്വസിക്കാം, അല്ലേ!
പഠിക്കുന്ന വിദ്യാര്‍ത്ഥികള്‍ക്ക് എന്ത് കൊണ്ടും നല്ല ആദര്‍ശങ്ങള്‍ ഈ അധ്യാപഹയരില്‍ നിന്ന് ഉള്‍ക്കൊണ്ട് കൂടെ!
ഏത് ഓഫീസിലാണ് യൂണിവേഴ്സിറ്റി പരീക്ഷയുടെ ചോദ്യ പേപ്പറുകള്‍ ഉള്‍പ്പടെ സൂക്ഷിക്കുന്ന മുറിയുടെ താക്കോല്‍ വരെ സ്ഥാപനത്തിന്റെ അംഗമല്ലാതായി കഴിഞ്ഞ ഒരാള്‍ അനധികൃതമായി സൂക്ഷിക്കുകയും ആപ്പീസ് സമയത്തിന് ശേഷവും താക്കോല്‍ വാങ്ങി തുറന്ന് 'selective felling and planting' നടത്താനും സാധിക്കുന്നത് - അതും ഒരു മാസത്തോളമായിട്ട്! ഇവിടെ ചിലരുടെ മുഷ്കിന് മുന്‍പില്‍ നിയമ വാഴ്ച തകരുന്നതിനെ വെള്ള പൂശാന്‍ വളര്‍ന്ന് വരുന്ന തര്‍ക്ക ശാസ്ത്ര വിദഗ്ദന് എന്തെങ്കിലും കുയുക്തി തോന്നുമോ ആവോ! രാജാവും എല്ലാ സര്‍‌വ്വീസ് സംഘടനകളും ഈ നിയമ ലംഘനത്തിന് മുന്നില്‍ ലജ്ജാകരമായ മൗനം അവലംബിക്കുകയും കണ്ടില്ലെന്ന് നടിക്കുകയും ചെയ്യുന്നതാണ് അല്‍ഭുതം!

എന്നെ കണ്ടാല്‍ കിണ്ണം കട്ടെന്ന് തോന്നുമോ?

ഇപ്പോള്‍ laser printerല്‍ അടിച്ച 2000ലെ റിപ്പോര്‍ട്ട്!

ശ്രദ്ധിക്കുക:

1. A number of people had also witnessed these.

2. Above all, it may be seen from the above that it is incorrect to conclude that Rs. 10 lakhs had been expended on this project.

പൂച്ച സഞ്ചിയ്ക്ക് വെളിയില്‍ ചാടിയത് കണ്ടോ! ഇങ്ങിനെ ആരെങ്കിലും ഫൈനല്‍ റിപ്പോര്‍ട്ട് നല്‍കുമോ?

പഴയ റിപ്പോര്‍ട്ടായി ഫോര്‍ജ് ചെയ്തതാണെങ്കിലും ഇപ്പോള്‍ ഉയര്‍ന്ന ആരോപണത്തിന്റെ മറുപടിയാണ് 2. ല്‍! ഒരു ഫൈനല്‍ റിപ്പോര്‍ട്ടില്‍ അത് കൊടുക്കുന്ന ആളല്ലേ conclude ചെയ്യുക! പിന്നെ ആരോടാണ് "it is incorrect to conclude that Rs. 10 lakhs had been expended on this project" എന്ന് പറയുന്നത്! മിടുക്കനാണെന്ന് പറഞ്ഞ് കൊണ്ട് നടന്നിട്ട് കൃത്രിമം കാണിക്കുന്നതില്‍ പോലും ഒരു perfection ഉം ഇല്ലല്ലോ?!!

വിജിലന്‍സ് വന്നു!

കഴിഞ്ഞ ഒരു മാസത്തെ കഠിനാദ്ധ്വാനത്തിന്റെ ഫലം മുഴുവന്‍ ഇന്നാണ് കണ്ടത്! രാവിലെ തന്നെ ഒരു "ആണ്ടിലും സംക്രാന്തിക്കും .." കാരന്‍ ശിങ്കിടിയുടെ കൂടെ ചുമന്നാണ് കെട്ടുകണക്കിന് "മാനിപുലേറ്റഡ്" ഫയലുകള്‍ ലുട്ടു കൊണ്ടു വന്നത്. കഴിഞ്ഞ ആഴ്ച വിജിലന്‍സ്കാര്‍ വന്ന് തിങ്കളാഴ്ച വരുമെന്ന് പറഞ്ഞപ്പോള്‍ തന്നെ 'ഓവര്‍ ടൈം' ജോലി തുടങ്ങിയതാണ്. അയയ്ക്കാത്തതെല്ലാം അയച്ചെന്ന് വരുത്തി! അതിന് രാജാവ് തന്നെയാണ് രജിസ്റ്റര്‍ വാങ്ങി നല്‍കിയത്! 
ഏത് സ്ഥാപനത്തില്‍ നടക്കും! പെന്‍ഷനായി ഒരു മാസത്തോളം അക്കാദമിക്കിന്റേയും മറ്റും താക്കോല്‍ കൈവശം വയ്ക്കുകയും തോന്നുമ്പോള്‍ വന്ന് ഇഷ്ടമുള്ള ഫയലുകള്‍ എടുത്ത് എങ്ങിനെയും തിരുത്താം! ഒളിവും മറവുമില്ല! ധൈര്യമുണ്ടെങ്കില്‍ ഇറക്കിനെടാ! ഇതിന് രാഷ്ടീയത്തിനതീതരായി എല്ലാവരും ഒറ്റക്കെട്ടായി സപ്പോര്‍ട്ടാണ് (അഴിമതി കൂട്ടായ്മ എന്നൊക്കെ പറയാമോ എന്തോ!) വിജിലന്‍സ്കാര്‍ മുന്‍പ് വന്നപ്പോള്‍ രാജാവ് മുങ്ങിക്കളഞ്ഞത് വലിയ ക്ഷീണമായി പോയി. അതു കൊണ്ട് തിങ്കളാഴ്ച ഉണ്ടാവണമെന്ന് കേണപേക്ഷിച്ചതിന് പുറമേ ഭീക്ഷണിയും ഉണ്ടായിരുന്നത്രേ. മറ്റൊരപേക്ഷ (ഭീക്ഷണിയോ!) ദിവസ വേതനക്കാരന്‍ രാജാവിനെ എങ്ങിനെയും ഇവിടെ നിന്ന് തിങ്കളാഴ്ച ഓടിച്ചിരിക്കണമെന്നായിരുന്നു. അതും നടത്തി. അത് കൊണ്ട് ഒരിക്കലും കൊടുക്കാത്ത രഥം കൊടുത്ത് പറഞ്ഞു വിട്ടു (മുന്‍പ് ഒരിക്കല്‍ രാജാവിന്റെ പകരക്കാരനായി അയാളുടെ കാര്യത്തിന് പോയപ്പോള്‍ രഥം തിരിച്ച് വിളിപ്പിച്ച് ഇറക്കി വിട്ടതാണ്. അതിവിനീതനും മാനാപമാനങ്ങളെ ജയിച്ചവനും ആയതിനാല്‍ അദ്ദേഹത്തിന് നാണം തോന്നിയില്ലെന്ന് മാത്രം!) ദിവസ വേതനക്കാരന്‍ രാജാവിന്റെ വായില്‍ നിന്ന് സത്യമെങ്ങാന്‍ വീണാലോ എന്നൊരു ഭയമുണ്ടായിരുന്നു. പി.എസ്.സി. പരീക്ഷയ്ക്ക് ചോദ്യമിട്ട് ഒന്നു പോലും ശരിയാകാത്തത് കൊണ്ട് പരീക്ഷ ക്യാന്‍സല്‍ ചെയ്യേണ്ട സാഹചര്യമുണ്ടാക്കിയവരെ ഒക്കെ ഈ കഥയൊക്കെ എങ്ങിനെ പഠിപ്പിച്ചു വിട്ടുവെന്ന് ലുട്ടുവിന് മാത്രം അറിയാം. ഇതിന്റെ പകുതി പാട് പണ്ട് പെട്ടിരുന്നെങ്കില്‍ പ്രോജക്ടിലൊക്കെ എന്തെങ്കിലും ചെയ്യാമായിരുന്നു!
ഏതായാലും മരുന്നൊക്കെ കഴിച്ച് സമശീതോഷ്ണത്തിലൊക്കെ ഇരുന്ന് ഉത്തരം പറഞ്ഞിട്ടും ചില്ലറ സമയമല്ല എടുത്തത്. ഇത്രയ്ക്കൊന്നും നമ്മള്‍ ജീവിതത്തില്‍ മെനക്കെട്ടിട്ടില്ല! ലുട്ടുവിനെ പേടിച്ചാണ് ഇല്ലെങ്കില്‍ 'പോടേ' എന്ന് പറഞ്ഞേനേ! എന്തായാലും കായ്കറികളും തൈകളും മറ്റും കൊടുത്ത് ഒരു തരത്തില്‍ കേറ്റി വിട്ടു. എന്തൊരു പാടാണെന്ന് നോക്കണം - കഴിഞ്ഞ ആഴ്ച 'നാടൊരു വാര'ത്തിന് പോയപ്പോളാണ് രജിസ്റ്ററെടുത്ത് കൊടുക്കാന്‍ വിളി, ഈ ആഴ്ച തിങ്കളാഴ്ച തന്നെ വരണമെന്ന് - നാം ഒരിക്കലും ചെയ്യാത്തതാണ്.
എന്തായാലും വിജിലന്‍സ്കാര് ഉണ്ടായിരുന്നപ്പോള്‍ അക്കാദമിക്കില്‍ ലാപ്റ്റോപ്പില്‍ കളിച്ച് കൊണ്ട് പൂച്ച പോലെ പതുങ്ങിയിരുന്ന ലുട്ടു, അവര്‍ ഇറങ്ങി കഴിഞ്ഞപ്പോളാണ് പത്തി പൊക്കിയത് 'എന്നെ കൊണ്ടുപോവുന്നില്ലേ' എന്ന്. എന്തിനാണോ ഇത്ര ധൃതി! അന്വേഷിച്ചാല്‍ ഫോര്‍ജറിക്ക് തന്നെ താമസിയാതെ കൊണ്ട് പോവാമല്ലോ! വേവുവോളം കാത്തില്ലേ ഇനി ആറുവോളം കാത്ത് കൂടെ!

ഇന്റര്‍നെറ്റില്ലാത്ത ഫൈവ് സ്റ്റാര്‍ സ്ഥാപനം!

ലഭ്യമായ കണക്ഷനുകള്‍:

• കേന്ദ്ര ഗവണ്മെന്റിന്റെ വിദ്യാലയങ്ങളെ ബന്ധിപ്പിക്കുന്ന പദ്ധതിയിലെ MPLS-VPN ബ്രോഡ് ബാന്‍ഡ് അണ്‍ലിമിറ്റഡ് കണക്ഷന്‍ (സൗജന്യം)
• കേരള ഗവണ്മെന്റിന്റെ അക്ഷയ പദ്ധതിയിലെ സ്പീഡ് കുറഞ്ഞ അണ്‍ലിമിറ്റഡ് കണക്ഷന്‍ (സൗജന്യം)
• രണ്ട് ബ്രോഡ് ബാന്‍ഡ് BSNL കണക്ഷനുകള്‍
• രണ്ട് സ്പീഡ് കുറഞ്ഞ റിലയന്‍സ് കണക്ഷനുകള്‍

(ഇനി ഉണ്ടോ എന്ന് അറിയില്ല, ഉണ്ടാവും!)

അനദ്ധ്യാപര്‍ക്കും അദ്ധ്യാപരില്‍ മിക്കവര്‍ക്കും ഇത് ലഭ്യമല്ല. ഡിപ്പാര്‍ട്ട് മെന്റിന്റെ കമ്പ്യൂട്ടര്‍ സൗകര്യങ്ങള്‍ സ്വാധീനമുള്ള ചിലര്‍ എടുത്ത് കൊണ്ട് പോവുകയും ഹെഡ് ആവശ്യപ്പെട്ടിട്ട് പോലും വില വെയ്ക്കാതിരിക്കുകയും ചെയ്യുന്നതിനാല്‍ കമ്പ്യൂട്ടര്‍ ഇല്ലാത്തത് കൊണ്ട് കണക്ഷനില്ല! ഉള്ളത് തന്നെ എത്ര സമയമെന്ന് നിശ്ചയമില്ല! യൂസേജ് ഓവറാകുന്നുവത്രേ! എന്നാല്‍ ചിലര്‍ക്ക് 24 മണിക്കൂറും കണക്ഷനുണ്ട്, യൂസേജ് ഓവറാകുന്നുമില്ല! മറ്റ് കണക്ഷന് പണമില്ലത്രെ! സൗജന്യമായി കിട്ടുന്ന അണ്‍ലിമിറ്റഡ് കണക്ഷനുകളോ?
എപ്പോഴും കണക്ഷന്‍ കിട്ടിയിരുന്നപ്പോള്‍ പോലും പ്രാണവായു കിട്ടാത്തത് പോലെ "ഇന്റര്‍നെറ്റ്, ഇന്റര്‍നെറ്റ്" എന്ന് മീറ്റിംഗുകളിലും അല്ലാതെയും ജപിച്ച് കൊണ്ടിരുന്ന ചില "below average performance" കാര്‍ക്കൊന്നും ഇപ്പോള്‍ നാവ് ഇല്ലേ എന്ന് സംശയിക്കണം!
 
പിന്‍‌കുറിപ്പ്: ഇന്റര്‍നെറ്റ് കണക്ഷന് പണമില്ല: സമശീതോക്ഷണമുറി കറന്റ് ബില്ല് - രൂപ 25,000 മാത്രം!

രഥാദ്ധ്യക്ഷനെ മാറ്റി!

രഥാദ്ധ്യ ക്ഷനെ മാറ്റി - പകരം "below average performance" താത്കാലിക ചുമതല വഹിക്കുന്നതാണ്. രഥവും സാരഥിയും ഉള്ളപ്പോള്‍ പോലും ലുട്ടുവിന് വ്യക്തിപരമായ കാര്യത്തിന്- റിട്ടയറായിട്ട് പോലും! (principle സാറ് ആ വണ്ടിയില്‍ പോവുന്നത് തൊലിക്കട്ടി കൂടുതലായിട്ടല്ലേ?!) - നല്‍കിയിട്ടും യഥാര്‍ഥത്തില്‍ രാജാവായിട്ടിരിക്കേണ്ടയാള്‍ ഔദ്യോഗിക കാര്യ ത്തിന് ബസ്സില്‍ തൂങ്ങി പോവണം! എന്തൊരു ആദര്‍ശം! എന്തൊരു നീതി! മാത്രമല്ല രാജ്യത്തിന്റെ രഥവും സാരഥിയും ഉള്ളപ്പോള്‍ സ്വകാര്യ വാഹനം വാടക വിളിച്ച് (കാശ് ക്വാടീശ്വരന്റെയല്ല! സ്കീമിന്റെ) അച്ചി വീട്ടില്‍ പോവുന്നതും കാര്യക്ഷമമാക്കാനാണത്രേ ഈ നടപടി.

കേളപ്പജിയുടെ കണ്ണീര്‍ തോരില്ല! : Metastasis occurs

ക്ലാസ്സെടുക്കാന്‍ ആളില്ലെങ്കില്‍ പെന്‍ഷനായവരെ മണിക്കൂറിന് 500 രൂപ വച്ച് മാസം 20,000 രൂപയില്‍ കവിയാത്ത വിധത്തില്‍ നിയമിക്കാമെന്ന് മേലാവിന്റെ ഉത്തരവ്! ആരെ ഉദ്ദേശിച്ചെന്ന് വ്യക്തം! ഇപ്പോള്‍ തന്നെ പകരം ക്ലാസ്സെടുക്കാന്‍ ആളായെങ്കിലും അതൊന്നും കാര്യമാക്കില്ല.
എന്ത് കൊണ്ടെന്നാല്‍ നന്നായി നടക്കെണമെന്ന് ആഗ്രഹിക്കുന്ന ഒരു സ്വകാര്യ സ്ഥാപനവും ഈ ബാധ്യത സൗജന്യമായി പോലും സ്വീകരിക്കില്ല, മാത്രമല്ല ഇവിടെ പല selective felling and planting ഉം ബാക്കിയുണ്ട് താനും. വിജിലന്‍സ് അന്വേഷണം നേരിടുന്ന ഒരാള്‍ റിട്ടയറായി സ്ഥാപനത്തിന്റെ അംഗമല്ലാതായിട്ട് കൂടി എല്ലാ സ്വാതന്ത്ര്യവും അനുഭവിക്കുകയും പഴയതു പോലെ തുടരുകയും ചെയ്യുന്നത് തന്നെ പുതുമയല്ലേ! ഇപ്പോളിതാ പിന്‍ വാതിലിലൂടെ കാശ് നല്‍കാനുള്ള വിദ്യയും! എന്ത് അഴിമതിയും ഒരു നാണവുമില്ലാതെ ചെയ്യാനും അത് പറ്റിയിട്ട് യാതൊരു ഉളുപ്പുമില്ലാതെ ആദര്‍ശം പറയാനും അപാര തൊലിക്കട്ടി വേണം! ആമ തോടിനും കാണ്ടാമൃഗത്തിന്റെ തോലിനും ഇത്രയ്ക്ക് കട്ടിയുണ്ടാവില്ല! 
ഇത് എന്തും നടക്കുന്ന വെള്ളരിക്കാ പട്ടണം!
ഇനി ഈ തട്ടിപ്പുകള്‍ പൊതുജന സമക്ഷം എത്തിച്ച് പ്രക്ഷോഭം സംഘടിപ്പിക്കുകയോ നിയമ വ്യവസ്ഥയെ ആശ്രയിക്കുകയോ ചെയ്യേണ്ടി വരുമെന്ന് ഉറപ്പ്!

വാല്‍ കഷണം: മേലാവിന്റെ "അടിയന്‍ ലെച്ചിപ്പോം" ഗമയില്‍ രാപകലില്ലാതെ ഓഫീസിലിരുന്നയാള്‍ ബഹു. വി.സി വന്നപ്പോള്‍ എവിടെ ഒളിച്ചെന്നറിയില്ല! പിന്നീട് വാഹന വ്യൂഹം പോയി എന്ന് ഉറപ്പായിട്ടാണ് മൂഷികന്‍ മാളത്തിന് വെളിയില്‍ വന്നത്! 

പറയിപ്പിച്ചാലോ?

Excerpted from "പറയരുതാത്ത വാക്കുകള്‍" by ബി. എസ്. വാരിയര്‍ (Manorama, February 10, 2010 )

വലിയ പലരും മോശമായ പദപ്രയോഗം വഴി ദുഷ്കീര്‍ത്തി നേടാന്‍ ഇടയായിട്ടുണ്ട്. ചിലതിങ്ങനെ.
"ചിലര്‍ ചെല്ലുന്നിടത്തെല്ലാം സന്തോഷം വിതറും; മറ്റു ചിലരാകട്ടെ യാത്ര പറഞ്ഞു പോകുമ്പോഴെല്ലാം സന്തോഷം വിതറും" - ഓസ്കാര്‍ വൈല്‍ഡ്.

"ഞാനാരെയും കൊന്നിട്ടില്ല. പക്ഷേ അതീവ സന്തോഷത്തോടെ പല ചരമക്കുറിപ്പുകളും വായിച്ചിട്ടുണ്ട്” - ക്ളാരന്‍സ് ഡാരോ (പ്രസിദ്ധ അമേരിക്കന്‍ അഭിഭാഷകന്‍ )
 
"അദ്ദേഹം തന്റെ രണ്ടു മുഖങ്ങളും രക്ഷിക്കാന്‍ ശ്രമിക്കുകയായിരുന്നു" ജോണ്‍ ഗുന്തര്‍

"ഒന്നും അറിയാതെ എല്ലാം അറിയാമെന്നു വിചാരിക്കുന്ന അയാള്‍ രാഷ്ട്രീയത്തിനു പറ്റും" ബര്‍ണാര്‍ഡ് ഷാ

ഒരു ഗവേഷണപ്രബന്ധം കണ്ടപ്പോള്‍ ഫിസിക്സില്‍ നോബല്‍ സമ്മാനം നേടിയ വുള്‍ഫ് ഗാങ് പോളി നര്‍മ്മം കലര്‍ത്തിപ്പറഞ്ഞു: "ഇതു ശരിയല്ല, തെറ്റു പോലുമല്ല.” 

ഇനി മറ്റു പ്രശസ്തര്‍ പറഞ്ഞ ചിലതുകൂടെ. 

• "അയാളെ വെറുക്കണമെങ്കില്‍ ക്യൂ നില്‍ക്കണം."
• "സംഭാഷണത്തിന്റെ ഒഴുക്കു തടയാന്‍ ആശയങ്ങളെ അയാള്‍ ഒരിക്കലും അനുവദിക്കില്ല."
• "അയാള്‍ സ്വയം സൃഷ്ടിച്ചുണ്ടായതാണ്; സ്രഷ്ടാവിനെ അയാള്‍ ആരാധിക്കുന്നു."
• "അയാള്‍ കോര്‍ക്ക് സ്ക്രൂ പോലെയാണ് - വളഞ്ഞ്, ഉറച്ച്, മൂര്‍ച്ചയുള്ള മുനയുമായി." 
• "അയാളുടെ മനസ്സ് എത്ര ഇടുങ്ങിയതാണെന്നോ? താക്കോല്‍ ദ്വാരത്തിലുടെ രണ്ടു കണ്ണുകൊണ്ടും ഒരുമിച്ചു നോക്കാന്‍ അയാള്‍ക്കാവും."

ഒരിക്കലും പറയരുതാത്ത ദുഷ്ടവാക്കുകളാണു മുകളില്‍ക്കണ്ടവയില്‍ മിക്കതും. വാക്കില്‍ ശ്രദ്ധ വച്ചില്ലെങ്കില്‍ മനസ്സറിയാത്ത അപരാധം ചെയ്തെന്ന ആരോപണങ്ങള്‍ വരാം. നിശ്ചയമായും ആ സാഹചര്യം ഒഴിവാക്കാന്‍ നിരന്തരശ്രമം വേണം.

വേദത്തിലെ ഒരു പ്രാര്‍ഥന കൂട്ടത്തില്‍ കേള്‍ക്കുക
"നല്ലതു മാത്രം കേള്‍ക്കാന്‍ എന്റെ കാതുകള്‍ക്കു കഴിയേണമേ;
നല്ലതു മാത്രം കാണാന്‍ എന്റെ കണ്ണുകള്‍ക്കു കഴിയേണമേ".
(Om bhadram karne-bhih srunuyama devah ;
bhadram pashye-maksa-bhir-yajatrah ;)
എങ്ങും നന്മ മാത്രമാവണമെന്ന പ്രാര്‍ഥന.
-------------------------------------------------------------------------------




"നല്ലതു മാത്രം പറയാന്‍ എന്റെ നാവിന് കഴിയേണമേ"

രാജാവിനും വേണ്ടേ ഗുണങ്ങള്‍?

നേതാവിനും വേണം ഗുണങ്ങള്‍ - ബി.എസ്.വാരിയര്‍
മലയാള മനോരമ: Wednesday, February 24, 2010

കീഴ്ജീവനക്കാര്‍ക്കു നിര്‍ദേശങ്ങള്‍ നല്‍കുകയും അവരെ നിരന്തരം പഴിക്കുകയും ചെയ്യുന്ന നേതാവ് തനിക്കുണ്ടായിരിക്കേണ്ട ഗുണങ്ങളെപ്പറ്റി പലപ്പോഴും ഓര്‍ക്കാറില്ല. നേതൃത്വം പ്രതിക്കൂട്ടിലാകുന്ന പല സന്ദര്‍ഭങ്ങള്‍ക്കും കാരണമിതായിരിക്കും. പ്രഫഷനല്‍ രംഗത്തു സത്യസന്ധതയും സുതാര്യതയും ഇല്ലാതെ നേതാക്കള്‍ക്കു വിശ്വാസ്യത പുലര്‍ത്താന്‍ വിഷമമാണ്. ഏര്‍പ്പെട്ടിരിക്കുന്ന പ്രവര്‍ത്തനത്തെപ്പറ്റി സമഗ്ര ബോധമില്ലെങ്കില്‍ നേതാവ് പരാജയപ്പെടും. എള്ളുകീറി സകല വിശദാംശങ്ങളും ഗ്രഹിക്കണമെന്നില്ല. സ്ഥിരത സുപ്രധാനഗുണമാണ്.

ഇന്നു പറഞ്ഞതു നാളെ മാറ്റിപ്പറഞ്ഞാല്‍, മറ്റന്നാള്‍ നേതാവു പറയുന്നത് അനുയായികള്‍ വിശ്വസിക്കില്ല. ചര്‍ച്ച ചെയ്ത് ആലോചിച്ചുറച്ച് നയങ്ങള്‍മാറ്റുന്നതു മറ്റൊരു കാര്യം. തെറ്റു പറ്റിയാല്‍ തുറന്നു സമ്മതിക്കുന്ന നേതാവ് ബഹുമാനിക്കപ്പെടുന്നു. ഒരു തെറ്റും വരുത്താത്തയാള്‍ ഒന്നും ചെയ്യാത്തയാളാണെന്നുമോര്‍ക്കാം. അന്യര്‍ പറയുന്നതെല്ലാം നിസ്സാരമെന്നു കരുതി തള്ളിക്കളയുന്നത് അംഗീകാരം നഷ്ടപ്പെടുത്തും. കീഴ്ജിവനക്കാരന് നേതാവിനെക്കാള്‍ ഉള്‍ക്കാഴ്ചയുണ്ടെന്നു വരാം. ശ്രദ്ധിച്ചു കേള്‍ക്കുന്ന ശീലം നേതാക്കള്‍ വളര്‍ത്തിയേ മതിയാകൂ.
വ്യത്യസ്തമായ പല അഭിപ്രായങ്ങളും കേട്ടുകഴിയുമ്പോള്‍, എല്ലാം പരിഗണിച്ച് നേതാവിനു യുക്തമായ തീരുമാനം കൈക്കൊള്ളാം. തീരുമാനം വിമര്‍ശിക്കുന്നവരുണ്ടാകാം. പക്ഷേ അവര്‍ക്കു പറയാനുള്ളതും കേട്ടിട്ടാണു തീരുമാനം കൈക്കൊണ്ടതെങ്കില്‍ വിമര്‍ശനത്തിനു സാംഗത്യം കുറയും. ശരിയായ തീരുമാനങ്ങളെടുത്താല്‍ അക്കാര്യത്തില്‍ പാറപോലെ ഉറച്ചു നില്‍ക്കാം. ഭൂരിപക്ഷം പേര്‍ പറയുന്നതു ശരിയാകണമെന്നില്ല. ചിലപ്പോള്‍ ഒറ്റയൊരാളാണു ഭുരിപക്ഷമെന്നു കരുതേണ്ടിവരും. കൂടുതല്‍ പേര്‍ പറയുന്നത് യുക്തിരഹിതമാകുമ്പോഴാണ് ഇതു സംഭവിക്കുക.
മികച്ച ആശയവിനിമയശേഷി കൂടിയേ തീരൂ. ഒന്നാന്തരം വ്യക്തിത്വത്തിന്റെ അവശ്യ ഘടകമാണിത്. പറഞ്ഞു ബോദ്ധ്യപ്പെടുത്തുന്നത് ഏതു നേതാവിന്റെയും കടമകളില്‍പ്പെടും. സ്വന്തം ജോലിയുടെയും, താഴെയുള്ളവരുടെ ജോലിയുടെയും വിവിധവശങ്ങള്‍ശ്രദ്ധിച്ചു മനസ്സിലാക്കേണ്ടതുണ്ട്. ശ്രമിച്ചാല്‍ ക്രമേണ എന്തും വശമാക്കാമെന്നു വിശ്വസിച്ചു മുന്നേറണം.

ചെയ്യുന്നതെന്തും ഏകാഗ്രതയോടെയാവണം. പരസ്പരബന്ധമില്ലാത്ത വ്യത്യസ്ത കാര്യങ്ങളില്‍ നേതാവിനു ശ്രദ്ധ ചെലുത്തേണ്ടി വരുന്നതു സാധാരണം. പക്ഷേ മനസ്സ് നിരന്തരം ചാടിക്കളിച്ചുകൊണ്ടിരുന്നാല്‍ ഒരു കാര്യവും ശരിയാകില്ല. ഭംഗിയായി ആസൂത്രണം ചെയ്ത്, കൃത്യങ്ങള്‍ ഓരോന്നായി ക്രമത്തിനു ചിട്ടയൊപ്പിച്ചു ചെയ്യുന്നതു തന്നെയാണ് തിരക്കു കുറയ്ക്കാനുള്ള വഴി.

ചെയ്തു തീര്‍ക്കാനുള്ള കൃത്യങ്ങള്‍ മുറയ്ക്ക് എഴുതിനോക്കുന്നത് ആസൂത്രണത്തെ സഹായിക്കും. ഏകാഗ്രത ശീലിക്കുന്തോറും അതിനു മൂര്‍ച്ച കൂടിക്കൂടി വന്നുകൊള്ളും. അന്യര്‍ക്കു നല്‍കാന്‍ കഴിയുന്നത് നല്‍കുക. ഒരു തിരികൊണ്ട് മറ്റൊന്നു കൊളുത്തുമ്പോള്‍ ആദ്യത്തെ തിരിക്ക് ഒന്നും നഷ്ടപ്പെടുന്നില്ല. രണ്ടാമത്തെ തിരിക്ക് പ്രകാശം ചൊരിയാന്‍ കഴിയുകയും ചെയ്യുന്നു. വിജയിക്കുമെന്ന വിശ്വാസം സുപ്രധാനമാണ്. അന്യരുടെ നേട്ടങ്ങള്‍ക്ക് അപ്പപ്പോള്‍ അംഗീകാരം നല്‍കുന്നത് അവര്‍ക്കും മറ്റ് അനുയായികള്‍ക്കും പ്രോത്സാഹനം നല്‍കും. അച്ചടക്കം പാലിക്കുന്നതില്‍ ഒന്നാമന്‍ നേതാവായിരിക്കണം. ഉപദേശനിര്‍ദ്ദേശങ്ങള്‍ കൊണ്ടല്ല, സ്വപ്രവര്‍ത്തനത്തിലെ മാതൃക കൊണ്ടാണ് അച്ചടക്കം ഉറപ്പാക്കേണ്ടത്.

No Metastasis?!

പെന്‍ഷന്‍പ്രായം ഉയര്‍ത്താതെ യു.ജി.സി. പാക്കേജ് നടപ്പാക്കുന്നു

Mathrubhumi.: 04 Mar 2010

തിരുവനന്തപുരം: കോളേജ് അധ്യാപകരുടെ പെന്‍ഷന്‍പ്രായം ഉയര്‍ത്താനുള്ള നീക്കത്തില്‍നിന്ന് സര്‍ക്കാര്‍ പിന്‍വാങ്ങുന്നു. ഇക്കാര്യത്തില്‍ ഇടതുമുന്നണി ഘടകകക്ഷികളുമായിപ്പോലും സമവായമുണ്ടാക്കാന്‍ കഴിയാത്ത സാഹചര്യത്തിലാണ് പെന്‍ഷന്‍പ്രായം ഉയര്‍ത്തണമെന്ന നിര്‍ദ്ദേശം ഉപേക്ഷിക്കാന്‍ സര്‍ക്കാര്‍ തീരുമാനിച്ചത്. പെന്‍ഷന്‍പ്രായം ഉയര്‍ത്താതെതന്നെ യു.ജി.സി. നിര്‍ദ്ദേശിച്ച ശമ്പളപരിഷ്‌കാരം മാര്‍ച്ച് 31നകം നടപ്പാക്കും.

പെന്‍ഷന്‍പ്രായം ഉയര്‍ത്തുന്ന കാര്യത്തില്‍ സമവായം സൃഷ്ടിക്കാന്‍ കഴിയാത്തതിനാല്‍ അത് നടപ്പുള്ള കാര്യമല്ലെന്ന് വിദ്യാഭ്യാസ മന്ത്രി എം.എ.ബേബി സമരത്തിലുള്ള അധ്യാപകസംഘടനാ പ്രതിനിധികളെ അറിയിച്ചു. ശമ്പളപരിഷ്‌കരണം മാര്‍ച്ച് 31നകം പ്രഖ്യാപിക്കാമെന്നും 2006 മുതല്‍ മുന്‍കാല പ്രാബല്യം നല്‍കാമെന്നും തന്നെ വന്നുകണ്ട സമരത്തിലുള്ള സംഘടനാ നേതാക്കളോട് മന്ത്രി പറഞ്ഞു. സര്‍ക്കാര്‍ നിലപാട് വ്യക്തമായതോടെ സെക്രട്ടേറിയറ്റ് പടിക്കല്‍ സമരം നടത്തിവന്ന അധ്യാപക സംഘടനകള്‍ ഒന്നൊന്നായി സമരം പിന്‍വലിച്ചുതുടങ്ങി.

കഴിഞ്ഞയാഴ്ച സി.പി.എം. അനുകൂല സംഘടനയായ എ.കെ.പി.സി.ടി.എ. നേതൃത്വത്തോട് പാര്‍ട്ടി സംസ്ഥാന സെക്രട്ടേറിയറ്റംഗം ടി.ശിവദാസമേനോനും പെന്‍ഷന്‍പ്രായം ഉയര്‍ത്തുന്ന കാര്യം ബുദ്ധിമുട്ടിലാണെന്ന് അറിയിച്ചിരുന്നു. ഒരുവട്ടംകൂടി ഘടകകക്ഷികളുമായി ബന്ധപ്പെട്ടുനോക്കാമെന്നും അദ്ദേഹം പറഞ്ഞിരുന്നു. എന്നാല്‍ സി.പി.ഐ, ആര്‍.എസ്.പി. കക്ഷികള്‍ പെന്‍ഷന്‍പ്രായം ഉയര്‍ത്തുന്ന കാര്യത്തില്‍ ഒരു ചര്‍ച്ചയ്ക്കുപോലും സന്നദ്ധമല്ലെന്ന നിലപാടാണ് സ്വീകരിച്ചത്. അനുകൂല തീരുമാനം ഉണ്ടാകില്ലെന്ന് ഉറപ്പായതോടെ സി.പി.എം, കോണ്‍ഗ്രസ് അനുകൂല സംഘടനകള്‍ മുഖം രക്ഷിച്ച് സമരം അവസാനിപ്പിക്കുന്നതിനുള്ള വഴി തേടുകയായിരുന്നു.

പെന്‍ഷന്‍പ്രായം 65 വയസ്സാക്കണമെന്ന ശുപാര്‍ശയാണ് യു.ജി.സി. ശമ്പളപരിഷ്‌കരണ റിപ്പോര്‍ട്ടില്‍ മുന്നോട്ടുവെച്ചിരിക്കുന്നത്. കേരളത്തില്‍ പെന്‍ഷന്‍പ്രായം 55 വയസ്സാണ്. വിവിധ സംസ്ഥാനങ്ങളില്‍ വിവിധ തട്ടിലാണ് പെന്‍ഷന്‍പ്രായം. ശമ്പളപരിഷ്‌കാര പാക്കേജിന്റെ ഭാഗമായുള്ള 2000 കോടി രൂപ കേന്ദ്രത്തില്‍നിന്ന് കിട്ടണമെങ്കില്‍ പെന്‍ഷന്‍ പ്രായം ഉയര്‍ത്തണമെന്ന വാദമാണ് സംസ്ഥാന സര്‍ക്കാര്‍ മുന്നോട്ടുവെച്ചത്. എന്നാല്‍ പെന്‍ഷന്‍പ്രായം ഉയര്‍ത്താതെതന്നെ തമിഴ്‌നാട ടക്കമുള്ള സംസ്ഥാനങ്ങള്‍ യു.ജി.സി. ശമ്പളപരിഷ്‌കാരം നടപ്പാക്കി. പെന്‍ഷന്‍പ്രായം ഉയര്‍ത്തുന്നത് അതത് സംസ്ഥാന സര്‍ക്കാരുകളുടെ നയപരമായ കാര്യമാണെന്നും ഇത് യു.ജി.സി യുടെ നിര്‍ബന്ധിത വ്യവസ്ഥയല്ലെന്നുമുള്ള സുപ്രീംകോടതി വിധിയും സര്‍ക്കാര്‍വാദത്തെ ഖണ്ഡിച്ചു. ശമ്പളപരിഷ്‌കരണത്തിന് വേണ്ടിവരുന്ന തുകയുടെ 80 ശതമാനവും യു.ജി.സി. സംസ്ഥാനങ്ങള്‍ക്ക് നല്‍കും.

കേരളത്തില്‍ 15 വര്‍ഷമായി കോളേജ് അധ്യാപക നിയമനത്തിന് നിരോധനം നിലനില്‍ക്കുകയായിരുന്നു. പെന്‍ഷന്‍പ്രായം ഉയര്‍ത്തിയാല്‍ വീണ്ടും അഞ്ചുവര്‍ഷംകൂടി നിരോധനം ഫലത്തില്‍ വരുമെന്നതും യുവജനസംഘടനകളെ ഇതിനെതിരാക്കി. ഇരുപതിലധികം പി.എസ്.സി. റാങ്ക്‌ലിസ്റ്റുകളുടെ ഭാവിയും അവതാളത്തിലാകുമെന്ന സ്ഥിതി വന്നു.

Pleading in vain!

Before the Hon. VC

Sir:

  Sub:-Mr. Jippu Jacob retired Associate Professor, KCAET under Vigilance enquiry still illegally continuing in the college - complaint – reg.

 Ref: Order for Vigilance Enquiry by the Court of the Enquiry Commissioner & Special Judge, Trichur.

 As you are kindly aware, Mr. Jippu Jacob had retired from service on the 22^nd of February 2010 as Associate Professor, KCAET, Tavanur – a college under the University and has ceased to be a teacher of KCAET, Tavanur now. The petitioner had moved the Court of the Inquiry commissioner and Special judge, Trichur, seeking to issue necessary orders towards conducting a vigilance enquiry into certain allegations against Mr. Jippu Jacob and the court was pleased to order the enquiry.

In the reply to a RTI question, the Public information officer of KCAET, Tavanur had already confessed that the file pertaining to a project of Mr. Jippu Jacob which comes under the investigation of Vigilance is not available now. Since the file required towards proving the complicity of the accused officer, Mr. Jippu Jacob is already missing - even before the start of the enquiry- the petitioner had out of apprehension taken up the matter with your good self, requesting to order to take safe custody of the files and other records, only to find that even after his retirement, Mr. Jippu Jacob is very much in control of the affairs of the college as before. In the writ petition filed before the Honourable High Court, the petitioner had as per Ext. P-5 brought to the notice of the court, how acting as the academic officer in tandem with another teacher –parent, he is aiding and abetting the corruption of even the examination system, which in KCAET even otherwise stands blighted by querulous complaints. Instead of appointing a committee for debriefing the concerned and taking remedial action about what had happened and what is happening, it is surprising that the University is still content to leave the academic matters in the hands of Mr. Jippu Jacob, a tainted teacher, and it speaks volumes about the total lack of accountability on the part of the University.

That a retired teacher who is under orders of vigilance enquiry is coming to college day in and day out, occupying his room as before, causing files to disappear, manipulating records and is in full control of the affairs and is giving orders left and right, to others, in an effort to show nothing has changed, is the bane of the University. That the very same person is still in charge of academic matters is a shame on the University and is a bad moral!

Please take notice that if the University is not prepared to take cognizance of these happenings, the petitioner will be constrained to move the court for appropriate orders.

Dated this the 1^st of March 2010

Petitioner.

കേളപ്പജിയുടെ കണ്ണീര്‍ : തോരില്ലേ?

22 ന് 22 മിനിറ്റ് യാത്രയയപ്പ് നല്‍കിയതൊക്കെ മറന്നതോ, അതോ പോവാനിടമില്ലാത്തതു കൊണ്ടോ, ഫയലുകളില്‍ selective felling and planting കഴിയാത്തതു കൊണ്ടോ, ശിഷ്യരെ പിരിഞ്ഞ് പോവാനുള്ള വിഷമമോ (വേറൊരിടത്തും നമ്മുടെ പരിപ്പ് വേവില്ലല്ലോ!) എന്താണെന്നറിയില്ല സര്‍‌വ്വീസിലുണ്ടായിരുന്നപ്പോള്‍ ഉണ്ടായിരുന്നതിനേക്കാള്‍ കൃത്യമായി രാവിലെ മുതല്‍ പാതിരാ വരെ ആള് സീറ്റിലുണ്ട്!

 "നാടൊരു വാരം" (പിന്നീട് കാട് [തവനൂര്‍] ഒരു വാരമെന്ന് തെറ്റിദ്ധരിക്കേണ്ട!: രണ്ടു മൂന്ന് ദിവസമായാല്‍ പ്രജകളുടെ ഭാഗ്യം! ) കഴിഞ്ഞ് രാജാവ് നേരിട്ട് തവനൂര്‍ ലാന്‍ഡ് ചെയ്തത് തന്നെ ഇദ്ദേഹത്തിനെ രാജ്യത്തിന്റെ രഥത്തില്‍ കൊണ്ടു പോവാനത്രേ, തിരിച്ച് കൃത്യമായി കൊണ്ട് വരുകയും ചെയ്തു.  പാവം ദിവസക്കൂലി രാജാവ് സര്‍ക്കാര്‍‌കാര്യത്തിന് രാജധാനിയില്‍ പോവുന്നത് ബസ്സിലും! ദിവസക്കൂലി രാജാവ് രഥം ചോദിച്ചാല്‍ മിണ്ടാതെ രഥാദ്ധ്യ ക്ഷന് SMS വരുമത്രേ "Don't give car to MS"! 

മേലാവിന്റെ ഒത്താശയില്‍ വക്കീലും ഒക്കുമത്രേ!എന്തായാലും പൂരം വെടിക്കെട്ടിന്റെ പടം പിടിച്ചാല്‍ ഡിജിറ്റല്‍ ക്യാമറ ദുരുപയോഗം ചെയുകയാണെന്നു പറയുന്ന, കോളേജ് കമ്പ്യൂട്ടറിന് മുന്നില്‍ സഹജോലിക്കാരന്റെ ചെറിയ കുട്ടി ഇരിക്കുന്നത് നിയമ വിരുദ്ധമായതിനാല്‍ എഴുന്നേല്പ്പിക്കുന്ന principle സാര്‍ എങ്ങിനെയാണ് ഇപ്പോള്‍ കോളേജ് കമ്പ്യൂട്ടര്‍ ഉപയോഗിക്കുന്നത്! സ്കീമിന്റെ ഡിജിറ്റല്‍ ക്യാമറ ഉപയോഗിച്ച് സ്വന്തം ആള്‍ക്കാര്‍ ബോര്‍ഡിന്റെയും മറ്റും പടം പിടിച്ചപ്പോള്‍ സദുപയോഗം! ഈ ഇരട്ടത്താപ്പ് നാം ഒരുപാട് കണ്ടതാണല്ലോ!
22 മിനിറ്റ് സെന്‍സേര്‍ഡ് സംഘടനാ പ്രതിനിധി യാത്രയയപ്പും പടക്കം പൊട്ടിച്ചുള്ള യാത്രയയപ്പും താല്‍ക്കാലികരെ നിര്‍ബന്ധിച്ചുള്ള യാത്രയയപ്പും രഹസ്യമായി പേസ്ലിപ്പ് മാത്രം കൊടുത്ത് ഉള്ള സ്പെഷ്യല്‍ പ്രൊമോഷനും പോലെ ഒരു പുതുമയായിരിക്കും പെന്‍ഷനായിട്ടും ആകാത്തതു പോലുള്ള അവസ്ഥ!